608 807 895

contacto@arraianos.com

Galeras, 13 2-8
15705 Santiago de Compostela

Formulario de Contacto

*NOTA ACLARATORIA

Debido á situación xerada pola COVID 19, os organizadores dos II Premios de Podcast O Vello dos Contos "Xosé Mosquera Pérez" deciden ampliar o prazo de presentación de podcasts orixinais até o día 30 de outubro de 2020, coas mesma condicións que se recollen nas bases que hai nesta páxina web.

Dadas as demandas que tivemos de ampliación de prazo por parte dos centros educativos e a situación actual, decidimos ser flexibles e acceder a estas peticións pois entendemos que a participación neste certame pode ser un exercicio pedagóxico moi útil para fomentar o uso do galego e a creatividade, así como o coñecemento e a divulgación do noso patrimonio literario, material e inmaterial, na comunidade educativa e entre o alumnado de Galicia e Portugal. 

Grazas pola vosa atención.

Premios de Podcast O Vello dos Contos

Arraianos Producións, o IES Rosalía de Castro e Ponte nas Ondas convocan os II Premios de Podcast O Vello dos Contos, coa colaboración de numerosos colectivos e institucións, para promover a lingua e a cultura galega e portuguesa nos centros educativos e lembrar a Xosé Mosquera Pérez, quen foi a primeira estrela mediática do noso páis e un dos pioneiros da radio en Galicia.

Este certame internacional de podcast busca fomentar unha imaxe positiva e actual da lingua mediante a vinculación coas tecnoloxías da inofrmación e da comunicación, favorecer o uso da lingua entre a mocidade en ámbitos asociados á oralidade, incentivar a produción e difusión de material audiovisual en galego e portugués e afortalar os vencellos coa lusofofonía e mostrarlle á mocidade a importancia destes.

Hai máis de 1.000 euros en premios. A solicitude de participación hai que enviala antes do venres 30 de outubro de 2020 ao correo Este enderezo de correo está a ser protexido dos robots de correo lixo. Precisa activar o JavaScript para velo. No asunto indicarase "Premio Xosé Mosquera" e o nome do centro. Descarga as bases e participa. É moi doado. (links bases)

Para divulgar a vida e a obra de Xosé Mosquera Pérez, O vello dos Contos, temos ao dispor dos centros educativos interesados un proxecto expositivo itinerante, con fotos dos anos 30, 40 e 50, que é un percorrido biográfico arredor deste persoeiro, co obxectivo de promover a súa figura e a participación nos II Premios de Podcast O Vello dos Contos.

cloud_download Descargar Bases en Galego

cloud_download Descargar Bases en Portugués

MENÚ