608 807 895

contacto@arraianos.com

Galeras, 13 2-8
15705 Santiago de Compostela

Formulario de Contacto

O museo da pataca abre as súas portas

O Museo da Pataca de Coristanco é unha obra colectiva, feita coa colaboración de persoas, institucións, colectivos e empresas. Un espazo vivo e dinámico, que sempre vai estar aberto a novas incorporacións e achegas para coñecer mellor o pasado, o presente e o futuro da pataca con máis sona de Galicia.
Comeza aquí un percorrido polo cultivo, a historia e toda a cultura popular da pataca de Coristanco. Unha viaxe que podemos facer grazas aos que habitaron estas terras antes ca nós, aos que homenaxeamos con agarimo neste museo, lembrando tamén aos pioneiros e pioneiras da pataca de semente de Bergantiños e os inicios da Festa da Pataca de Coristanco.
No menú de hoxe temos patacas ou castañas da terra, regueifa, fotografía, pintura, audiovisuais, apeiros de labranza, cestos, tallos, podcasts e todos os avances que nos permite a tecnoloxía para contarlles aos que nos visitan unha historia única e transmitirlles ás novas xeracións todo este saber. Porque delas depende o presente e o futuro da pataca de  Coristanco. A inauguración deste museo é un fito tan importante como prometedor.

JULIO CAMBA EL HOMBRE QUE NO QUERÍA SER NADA | EXPOSICIÓN EN EL HOTEL WESTIN PALACE DE MADRID

TRABALLOS PARA AFUNDACIÓN E ABANCA

A mostra reúne unha selección de obras do artista das coleccións do banco e Afundación e material audiovisual do documental ‘Sísifo confuso’

ABANCA, en colaboración con Afundación e Arraianos Producións, presenta este xoves 3 de novembro en Pontevedra a exposición ‘Os traballos e os días de Francisco Leiro’, que ofrece a posibilidade de gozar da obra dunha das grandes figuras do panorama da arte galega actual e tamén ser testemuñas excepcionais do seu proceso creativo entre Cambados, Madrid e Nova Iorque.

A exposición reúne oito esculturas e cinco traballos en papel producidos dende os anos noventa ata a actualidade que forman parte das coleccións de arte de ABANCA e Afundación.

Entre as obras seleccionadas atópanse algunhas tan significativas como as catro ‘Recolectoras’ (2003) ou ‘Fauno’ (2007), cinco pezas en madeira en gran formato que teñen alcanzado un verdadeiro estatus simbólico na escultura galega contemporánea. O seu traballo en granito, outro dos materiais de referencia na súa produción artística, tamén está reflectido na mostra coa escultura ‘Cabeza’, de 1988.

O proxecto expositivo enriquécese cun interesante material multimedia procedente do documental ‘Sísifo confuso. Traballos e días de Francisco Leiro’, escrito e dirixido por Aser Álvarez para Arraianos Producións. Unha serie de fotografías en gran tamaño e unha peza audiovisual sobre cada un dos seus tres lugares de traballo ofrécennos unha visión inédita tanto do artista como do seu proceso creativo, que se desenvolve entre Cambados, Madrid e Nova Iorque.

É a primeira vez que o artista abre as súas portas a un equipo audiovisual, polo que o proxecto danos unha oportunidade única de ser testemuñas dende un punto de vista persoal e íntimo de como leva a cabo su produción o artista galego con maior proxección internacional na actualidade.

Como peche do percorrido inclúense unha serie de fotografías de obras de Francisco Leiro que se poden contemplar en diferentes puntos da cidade de Pontevedra, como exemplo da importancia que ten na súa traxectoria a escultura civil.

Este proxecto expositivo responde a unha das liñas estratéxicas de ABANCA no marco da súa política de RSC, que é contribuír dentro das súas posibilidades a divulgar a cultura e o coñecemento dos artistas galegos, ao mesmo tempo que ofrece a todos os cidadáns a posibilidade de gozar do seu rico patrimonio artístico.

A exposición poderá visitarse ata o 28 de xaneiro no Café Moderno Afundación de Pontevedra en horario de luns a venres de 17.30 a 20.30 horas e os sábados de 11.00 a 14.00 e de 17.30 a 20.30 horas.

De forma paralela, ABANCA e Afundación teñen organizado un programa de actividades no que xa reservaron praza para participar 630 escolares da cidade e os arredores.

Traballo Afundación Abanca Sísifo Confuso Arraianos Produccións portada

TraballoAfundación Abanca Sísifo Confuso Arraianos Produccións contraportada

Traballo Afundación Abanca Sísifo Confuso Arraianos Produccións

Exposición Sísifo Confuso. Traballos e días de Francisco Leiro

A historia da autonomía galega ilustrada

O 10 de Setembro de 2021 innauguramos a exposición 40 Anos de Autonomía de Galicia nas Caricaturas de Siro comisariada por Aser Álvarez e producida por Arraianos Producións. Cun total de 231 caricaturas seleccionadas como as máis representativas entre 2000 candidatas, esta expo permite coñecer de forma amena a historia completa da autonomía de Galicia dende a súa fundación en 1981 até a actualidade. Xerardo Fernández Albor, Emilio Pérez Touriño, Abel Caballero Álvarez ou Antolín Sánchez Presedo son só algúns dos nomes que atopamos percorrendo a exposición no Parlamento de Galicia.

TRABALLOS PARA A XUNTA DE GALICIA

ANACOS DO RURAL / UNHA REVISIÓN DOCUMENTAL DO PASADO RECENTE DA GALICIA RURAL

Neste proxecto de recuperación e divulgación documental sobre o rural galego conflúen os esforzos e as vontades de institucións, individuos e colectivos que acreditamos na necesidade de coñecer o noso pasado para poder analizar o presente e afrontar conxuntamente os importantes desafíos e retos do mundo rural de hoxe e de mañá.

Esta edición multimedia, impulsada polo colectivo ACUDE Rural co asesoramento técnico de Arraianos Producións, que conta do apoio de AGADER e da Xunta de Galicia e a colaboración da Mediateca do Ministerio de Agricultura, Pesca e Alimentación, así como dos enxeñeiros Jaume Lloveras e Juan Piñeiro entre outros colaboradores, é unha escolma única de textos, material fotográfico e cinematográfico sobre a Galicia rural, que se enmarca dentro dun ambicioso proxecto editorial e socializador, pioneiro en España, que quere contribuír á divulgación do patrimonio e, sobre todo, ao debate sobre o presente e futuro do mundo rural.


Exposición O Vello dos Contos

Este proxecto expositivo itinerante é un percorrido biográfico pola vida e a obra de Xosé Mosquera Pérez, a primeira estrela mediática do noso país, a través dos micrófonos de Radio Galicia, pra promover nos centros educativos os Premios de Podcast "O Vello dos Contos".

Exposición Anacos do Rural Santiago de Compostela

MENÚ